Денес му е роденден на американскиот претседател на САД, Доналд Трамп. Тој полни 73 години, а „Метро“ издвои некои од неговите луксузни прослави во минатото.
1988: Трамп полни 42 години
Забавата на Трамп била во екстравагантно казино, а гостите ги забавувале магионичари и танчери кои имале перформанс на специјална верзија на песната „Bad“ од Мајкл Џексон.
1993: Трамп полни 47 години
За да се одбележи овој роденден, на покана за неговата забава биле тој и неговата тогашна сопруга, Марла Мејплс, која му седела на нозете. Во поканата имало и повеќе од неговите „царства“ – неговите казина.
1996: Трамп полни 50 години
Марла му приредила забава на која тројца виолинисти и еден пијанист свиреле на влезот. Лица со бели ракавици им нуделе на гостите шампањско и јагоди.
На забавата имало фотографии од Трамп како дете.
Тој посакал Марла да му ја запее неговата омилена песна „Wind Beneath My Wings“, но таа одбила.
На тортата бил Трамп облечен како Супермен со знакот на парите на неговите гради, додека стои крај сите згради на кој е сопственик.
2005: Трамп полни 59 години
Според Вашингтон пост, роденденот бил прославуван во казино, а Памела Андерсон добила понуда од 500 долари за да се појави.
Трамп дувал свеќи на 15-метарска, трислојна торта.
2016: Трамп полни 70 години
За овој роденден, прославата била организирана од непозната група во Индија. На неа, Трамп не присуствувал.
Групата го нарекувала Трамп „спасител на човештвото“.
2017: Трамп полни 71 година
Откако стана претседател, Трамп поинаку гледал на својот роденден.
За да го оттргне вниманието од себе, тој ѝ посакал среќен роденден на американската војска на Твитер.
Подоцна истиот ден, имало пукање и повеќе жртви.
Трамп се појавил на телевизија со свој говор, искажал сочувство, а потоа следувала вечера во Белата куќа на која биле сопругата, децата и внуците.
ФОТО: WireImage / Metro
ФОТО 2: Hulton Archive / Metro
