Индустриското производство во октомври годинава во однос на октомври лани е зголемено за 4,2 отсто, додека во периодот јануари-октомври споредено со истиот период лани бележи пораст од 5,4 отсто, објави денеска Државниот завод за статистика.
Гледано по сектори, во октомври годинава споредено со октомври лани, опаѓање има во секторите „рударство и вадење камен“ за 11 отсто и „снабдување со електрична енергија, гас, пареа и климатизација“ за 5,5 отсто, а пораст од 7,8 отстово секторот „преработувачка индустрија“.
Според главните индустриски групи, производството во октомври 2019 година, во однос на октомври 2018 година, бележи пораст кај „интермедијарни производи, освен енергија“ за 3,2 отсто, „капитални производи“ за 12.5 отсто и „нетрајни производи за широка потрошувачка“ за 6,2 отсто, додека опаѓање бележи кај „енергија“ за 8,5 отсто и „трајни производи за широка потрошувачка“ за 5,3 отсто.
