Топлотниот бран во Германија предизвика рекордна продажба на клима-уреди, јави ДПА.
Германското индустриско здружение ФГК-Клима, објави дека над 200.000 клима уреди се продадени оваа година, во споредба со просек од 150-160.000 во други години.
Здружение на продавачи на мало објавија зголемена продажба на мобилни климатизери и вентилатори. Според нивните податоци во првата половина од годината биле продадени над 70.000 уреди.
Околу три отсто од домаќинствата во Германија имаат клима уреди.
