Вчера одекна вест дека омилениот лик од серијата „Беверли хилс“, Лук Пери почина на 52-годишна возраст од последици од мозочниот удар.
Пред две години, Лук Пери се појавил на црвениот тепих со тогаш непозната бринета. Отпосле се дознало дека нејзиното име е Венди Медисон Бауер (44).
Лук и Венди биле свршени, што, исто така, се дозна по неговата смрт.
Неговиот публицист, кој го објави соопштението со тажната вест за смртта на славниот актер, напишал дека неговите деца, неговата свршеница Венди Медисон и поранешната сопруга биле покрај Лук Пери во болницата до последниот момент.
Венди која имала и неколку помали улоги во ТВ-сериите „Менталист“ и „Краш“, сега води приватна клиника за семејства и бракови, а судејќи по нејзината биографија, работи со возрасни, со тинејџери и со двојки кои страдаат од анксиозност.
