Индустриското производство во август бележи пораст од 9,8 отсто во споредба со истиот месец лани, објави денеска Државниот завод за статистика.
Гледано по сектори, пораст е забележан во „снабдување со електрична енергија, гас, пареа и климатизација“ за 47,9 отсто и во „преработувачката индустрија“ за 4,5 отсто, а опаѓање од 1,4 отсто има во секторот „рударство и вадење камен“.
Според главните индустриски групи, во август пораст има кај „енергија“ за 39,8 проценти, „интермедијарни производи, освен енергија“ за 0,5 отсто, „капитални производи“ за 14 отсто и „трајни производи за широка потрошувачка“ за 25,4 отсто, а опаѓање има кај „нетрајни производи за широка потрошувачка“ за 0,6 отсто.
Пораст од 5,5 отсто е забележан и за периодот јануари – август во однос на првите осум месеци лани.
