Претседателот на САД Доналд Трамп (72) и неговата сопруга, првата дама на Америка Меланија Трамп (48) ја посетиле уништената Алабама каде поради торнадото животот го изгубиле 23 луѓе.
На социјалните мрежи повторно се појавија теории на заговор дека покрај Доналд не чекорела вистинската Меланија туку нејзината двојничка.
Обожавателите на Трамп веруваат дека првата дама на САД била на заедничките фотографии на кои Доналд позира пред да тргне на патувањето, но дека тоа не е истата жена на фотографиите на кои се гледа како Доналд и Меланија шетаат низ опустошените предели.
– Жал ми е, ама ова не е Меланија. Оваа жена шета и мавта со раката, а притоа нема ниту една особина по која е препознатлива првата дама на САД. Луѓе, Меланија, навистина има двојничка – напишала жена на Твитер.
„Вистинската Меланија никогаш не чекори пред Доналд, секогаш зад него“, додале други.
Првите теории на заговор се појавија пред две години, а тогаш се огласи и портпаролката на кабинетот на Меланија, Стефани Гришам.
Меланија и Доналд минатото лето беа во Охајо, а многумина за време на таа посета пронајдоа неколку разлики, кои докажуваат дека и тогаш претседателот шетал со двојничката на својата жена.
„Бојата на косата е погрешна, како и патецот. Кошулата е погрешна, често недостасува и логото на очилата. Освен тоа, двојничката е подебела од Меланија, а и лицето не ѝ е како на Меланија“, пишуваа тогаш следбениците на Трамп на социјалните мрежи.
