Хрватски актер Јосип Зовко (48) загина вчера во тешка сообраќајна несреќа кај местото Грудско Врило во БиХ. Од актерот на сплитското ХНК, кој оствари улоги и во филмовите „Верувам во ангелите“, „Прости за кунг фу“, „Да бев ајкула“, се простуваат многубројни колеги.
Во судирот учествуваа две возила, а возачот на другото возило е пренесен во болница во Мостар.
За жал, ова не е единствената трагедија која го снајде семејството Зовко во последните две години. Во 2017 година, неговиот брат Анте беше убиен во Макарска и фрлен во септичка јама, каде што бил пронајден 40 дена откако било пријавено неговото исчезнување.
46-годишниот Анте, кој бил трговец со автомобили, беше ликвидиран од страна на бизнис-партнерот, кој неговото тело го фрли во септичка јама.
Неговиот партнер и убиец неколку дена пред да го најдат безживотното тело на Анте, се самоубил. Неколку дена по самоубиството, полицијата ги склопила делчињата од мозаикот и го пронашла телото на убиениот Анте.
ФОТО: Privatеn album/HNK Split
