Магијата на летање го фасцинираше светот пред повеќе од еден век, а за поединци таа претставува неодолива страст и потреба, нешто како опсесија, пишува Си-Ен-Ен.
Пилотите ги образложија сите предности на работата со која се занимаваат, а меѓу нив предначат чувството на слобода, поглед од височина, животен стил, брзина на патување, интересни сопатници и немонотона работа.
Мелани Астлес, француски првак во една од дисциплините на летање и прва жена која победи на воздушните трки на Редбул вели дека уште од седмата година е вљубена во авионите.
– Најдобро е чувството на слобода кое го пружа летањето, кога ќе се стопите со авионот во едно, оставајќи ги сите проблеми на тлото и гледајќи пред себе. Навистина го гледате светот во друго светло. Често се вели дека тоа е најдобрата канцеларија во светот, вели Астлес.
Кен Хок, вработен во УПС Ерлајнс, вели дека е зависник од авиони од својот прв лет во 1972 година.
– На секој пилот летањето му е една од најдрагите работи. Кревањето на машината во воздух без оглед на тоа дали станува збор за балон хеликоптер или нешто друго тоа е едноставно „кул“, изјави Хок.
