Со самото тоа што со вежбањето пилатес ја зајакнуваме мускулатурата на целото тело, пилатесот и тоа како ни помага полесно и побрзо да се породиме, објаснува Маја Талевска, долгогодишен пилатес-инструктор од пилатес центарот „Body Concept“.
Со оглед на тоа дека пилатесот не е кардио тренинг, туку повеќе тренинг за затегнување на мускулите и за релаксација, дали може да се практикува пилатес во бременоста?
– Вежбањето може да придонесе полесно да ја поднесеме новонастанатата ситуација и одговорно да се справиме со улогата на родител. Грижата за сопственото здравје и начинот на живот за време на бременоста, се од големо значење и за нас и за нашите деца. Поради тоа, пилатесот топло се препорачува на секоја бремена жена, секако доколку бременоста е уредна и има дозвола од својот матичен гинеколог. Лесни пилатес вежби се препорачуваат за време на бременоста, меѓутоа, не е неопходно да се започне со сериозна физичка активност, доколку трудниците претходно не биле физички активни.
Целото интервју со Маја Талевска ќе го најдете на порталот „Мајка и дете“.
