Двајца постари мажи избегале од Дом за стари лица во Германија за да посетат еден од најголемите метал фестивали во светот – „Вакен опен ер“. Откако ги повикале од Домот за стари лица, припадниците на полицијата започнале потрага, која заврши пред главната сцена на фестивалот во три часот по полноќ.
Полицијата соопшти дека двајцата возрасни господини биле дезориентирани кога ги пронашле. Забавата завршила кога полицијата ги вратила во Домот.
Засега не е познато дали тие побегнале за да одат на фестивал или само таму ги одвел патот. Портпаролката на полицијата Мери Нојфелд за германските медиуми изјави дека било многу очигледно оти многу им се допаднал хеви метал концертот.
