Општина Куманово ќе набави шест возила, пет „дачија“ и едно „рено“ што ќе ги користат мобилните општински служби кои одат на терен, секторот за инспекциски надзор, за урбанизам, за правни работи и едно ќе го користи противпожарната единица од Куманово. Општината одвоила над 7,8 милиони денари со данок на додадена вредност, за набавка на возилата по пат на финансиски лизинг.
Возилата сѐ уште не се испорачани, договорот со избраната компанија е потпишан, но реализацијата ќе се пролонгира, бидејќи како што појасни градоначалникот Максим Димитриевски на денешната седница на Советот, Општината е под финансиска блокада и возилата ќе бидат набавени кога таа ќе биде деблокирана.
Опозицијата праша зошто се набавуваат возила, а не се гради инфраструктура во руралните средини.
Фото: МИА
