Околу 85 лица се повредени синоќа при уривање на авион на компанијата „Аеромексико“, непосредно по полетувањето од мексиканскиот град Дураго.
Во време на несреќата во авионот од типот „Ембраер 190“ се наоѓале 97 патници и четворица членови на екипажот.
Гувернерот на Дураго, Хозе Росас Аиспуро информира дека по несреќата биле хоспитализирани 49 лица од авионот, од кои две се наоѓаат во критична состојба.
Според Аиспуро, во време на несреќата во реонот паѓал силен град и имало големи електрични празнења, што најверојатно се причина за падот на авионот.
Претставник на аеродромот во Дуранго исто така ги посочи лошите временски услови како причина за падот на авионот.
По падот авионот се запалил, но огнот набрзо бил изгаснат,
Авионот бил на лет од Дуранго кон Мексико Сити.
ФОТО:Твитер
Cellphone video shows firefighters responding to crash of Aeromexico Flight 2431 at airport in Durango, Mexico.
No deaths have been reported, but authorities say more than 80 people were injured. https://t.co/yra12Z1830 pic.twitter.com/AxsLvmtPSK
— ABC News (@ABC) July 31, 2018
