Грчката економија е подготвена „да забележи раст“ по длабокта депресија, но земјата „треба да продолжи со реформите“, за да се направи пресврт на кризата, изјави денеска во Атина генералниот секретар на Организацијата за економска соработка и развој (ОЕЦД), Анхел Гурија.
Во годишниот извештај за грчката економија, кој го претстави Гурија, се предвидува зголемување на бруто домашниот производ за два проценти во 2018 година и за 2,3 проценти во 2019 година.
По девет години длабока депресија како резултат на должничката криза, земјата лани забележа раст од 1,4 проценти.
Грција оствари „огромен напор за буџетска стабилизација” и „најамбициозната програма за реформи, која сме ја виделе во последниве години”, истакна Гурија, по средбата со премиерот Алексис Ципрас и министерот за финансии Евклидис Цакалотос.
– Ние веќе не зборуваме веќе за Грегзит, туку за „егзит“ (излез) од програмите за меѓународни кредити – рече Гурија, кој му честиташе Ципрас на заедничка прес-конференција.
