Околу 700 деца и нивни придружници од семејства во социјален ризик од цела држава, од минатата недела до крајот на летото во пет смени ќе престојуваат на летен одмор во Струга. Одморот се реализира со поддшка од Министерството за труд и социјална политика и Црвен крст, а сместувањето е во одморалиштето „Мајски цвет“.
Одморот во траење од една недела, што опфаќа шест полни пансиони, а го користат деца од петто до деветто одделение.
„Наменет е за членови на семејства корисници на гарантирана минимална помош и детски и образован додаток, деца без родители и родителска грижа, како и деца со попреченост, односно корисници на посебен додаток до 26 години возраст“, појаснуваат од Министерството за труд и социјална политика.
Од Министерството додаваат дека продолжуваат да вложуваат во подобри услови за ранливите категории граѓани.
„Со социјалната реформа значително ја зголемивме финансиската помош за домаќинствата во социјален ризик, воведовме нови мерки и услуги за нивно полесно секојдневие и поквалитетен живот“, се вели во соопштениeто.
