Приведениот маж кој е осомниен дека со автомобил намерно удри во група луѓе пред зградата на британскиот Парламент во Лондон, е 29-годишниот Салих Хатер, соопшти денеска неименуван извор од британските безбедносни служби.
Полицијата го приоведе Хатер откако вчера со автомобил прегази 15 велосипедисти и пешаци пред Парламентот во Вестминстер, по што со возилото удри во заштитната ограда околу парламентарната зграда.
– Случајот се уште се третира како тероризами, иако мотивите засега не се познати, соопшти неименуваниот извор – додавајќи дека Хатер бил британски државјанин со сомалиско потекло.
На профилот на Фејсбук на Хатер е посочено дека живее во Бирмингем, дека е шеф на продавница и оти студирал на Суданскиот научно-технолошки универзитет.
Вчерашниот инцидент беше четврти напад со автомобил во Велика Британија во изминативе 18 месеци.
