Предлог-законот за јавни набавки кој е со европско знаменце денеска е на дневен ред на Законодавно-правната комисија.
-Новиот Закон за јавни набавки е усогласен со законодавството на Европската Унија. Тој ќе обезбеди рационално трошење на државните пари, слободна и фер конкуренција и транспарентност при јавните набавки – истакна министерот за финансии, Драган Тевдовски, на комисиската расправа за Предлог-законот во Собранието.
Министерот истакна дека најважно е што се воведува економски најповолна понуда како единствен критериум за доделување на договорите.
