Новата машка колекција од пет парфеми на Луј Витон се концепт на познатиот дизајнер Жак Каваље. Нуово Монде, Л’Именсите, Ораж, Ау Хасард и Сур ла Рут се мириси кои се инспирирани од патувања.
Ораж, што значи „грмотевица“ има земјен мирис на пачули и ирис и ноти на бергамот и дестилиран јапонски ветивер. Нуово Монде (Нов свет) е мешавина од какао од Брегот на Слоновата Коска, со мошус и шафран.
Мирисот Сур ла Рут, чие име на француски значи „на пат“, е микс од сочни калабриски лимони со кедар, перуански балзам, пикантен розов бибер и мускатно оревче. Ау Хасард, што во превод значи „случајност“, содржи сандаловина од Шри Ланка, семе од цвет на амбрета и крушка.
Л’Именсите (Бескрај) е мешавина од горчлив грејпфрут и ѓумбир со лабданум и ќилибар и ноти на жалфија и рузмарин.
Парфемите ќе се најдат во продажба од 31 мај.
