Во следните неколку часа се очекува косовската Влада да се произнесе околу одлуката за зголемените царини за овошјето и зеленчукот, соопшти на прес-конференција министерот за земјоделство Љупчо Николовски.
Николовски очекува повлекување на мерката.
– Одлуката мора да биде повлечена. Сите разговори одат во тој правец. Во постојана комуникација сме со косовските колеги, а Владата на Косово уште денеска ќе има седница. Лично сметам дека во следните неколку часа ќе има нов момент – рече Николовски.
Тој најави дека ќе бидат разгледани сите опции за надомест на штетите предизвикани од косовската мерка која го стопираше извозот на овошјето и зеленчукот од Македонија.
Николовски очекува и заеднички став за косовските мерки на ресорните министри од регионот утре во Белград.
