Кога ќе се споменат луди ноќи и забава, на многумина прво на памет им паѓа Ибица, но официјално – најдивиот град во светот е Манчестер, Британија.
Под „див“ се подразбира град во кој луѓето сакаат необичен живот и не се воздржуваат од уживања од каков било вид. Веб порталот „Мувхаб“ го истражувал ноќниот живот на 112 претсолнини ширум светот, а при тоа, важен извор на податоци биле „Јелп“, „Трип адвајзор“ и статистиките за жителите.
Титулата „најдив“ град на светот ја понесе Манчестер во Англија. Доколку никогаш не сте биле во овој град и не сте изглегле една вечер, тогаш навистина ќе ви биде тешко да ја разберете оваа титула.
Градот е преполн (буквално) со првокласни ноќни клубови, а воедно ее и пионер на рејв културата во 90-тите. Всушност, градот е победник во уште една категорија – по употребата на канабис.
Во Манчестер постојат дури 818 клубови на 100.000 жители, а се консумираат 2,3 тона канабис на ист број на жители, пресметувано на годишно ниво.
При рангирање на најдивите градови во светот, освен бројот на ноќни клубови во местата и консумирањето на дроги, предвид биле земени и хедонизмот и употребата на алкохол. При анализата, биле користени и податоци од Канцеларијата за дроги и криминал при Обединетите нации и од Светската здравствена организација.
Лондон пак е подолу на листата, поточно на 30-тото место. На листата од 112 градови, ги има и Љубљана, Софија, Солун и Атина, но подолу на листата.
И САД се покажале како доста „разуздани“, со оглед на тоа што шест од дессете најдиви градови се токму од САД.
По Манчестер, на листата најдиви градови на второ место е Вашингтон, а на трето место се рангира Мајами. Од четврто до десетто место следуваат: Сиетл, Сан Франциско, Лидс, Денвер, Бостон, Парис и Лион.
Од друга страна пак, како „најмирен“ град во светот, според студијата, се издвојува Џакарта во Индонезија, со оцена од 0,12 (оцените се од 0 до 3, со тоа што поголема оценка значи подив град).
Санто Доминго, Истанбул, Кјото, Бангкок, Сингапур, Сеул, Манила и Карачи исто така се наоѓаат на дното на листата најдиви градови во светот.
