Холивудскиот актер Расел Кроу до толку се трансформира поради филмска улога, што е речиси невозможно да се препознае.
Кроу во моментов е ангажиран на снимањето на новата серија во која тој го глуми покојниот Роџер Ејлес, долгогодишем презентер на „Фокс“.
Во серијата ќе биде прикажан животот на презентерот и ситуацијата од 2016 година кога даде отказ заради обвинување за сексуално вознемирување.
Роџер Ајлес во 2016 година беше принуден да замине од „Фокс њуз“, по обвинувањата за сексуално вознемирување од повеќе жени, меѓу кои и водителките Меган Кели и Гречен Карлсон. Жените тврделе дека Ејлес несоодветно се однесувал кон нив на работното место.
Роџер Ејлес почина десет месеци подоцна, на свои 77 години, откако падна во бања.
Расел Кроу е познат по улогите во блокбастерите „Гладијатор“, „Прекрасен ум“ и „Ное“, а важеше за голем холивудски заводник. Тој ја изненади јавноста и во јуни годинава, кога го смени својот имиџ. Неколкупати наградуваниот актер има 54 години, а брадата и малку опуштениот изглед направија тој да изгледа многу постаро.
