Едно од најкултните возила од телевизиските екрани, автомобилот на господин Бин, се продава на аукцијата „Икони и легенди на Холивуд“ за 60.000 долари.
Оригиналниот мотор доаѓа заедно со автомобилот, но не е тестиран, како ни останатите механички делови, пишува во описот на автомобилот што актерот Роауан Аткинсон (63) го возеше како ликот господин Бин во истоимената серија.
Се работи за моделот „бритиш лејленд мини 1.000“ од 1977 година. На автомобилот ништо не е сменето од снимањето. Интересно е тоа што господин Бин секогаш го носеше воланот со себе, за да не можат да му го украдат возилото.
Освен овој автомобил, се продава и автобусот што Сандра Булок (53) го возеше во филмот „Брзина“, во кој глумеше со Киану Ривс (53). Тој градски автобус се продава за 20.000 долари.
На аукција е и моторната пила од хоророт „Тексашки масакр со моторна пила 2“, која е од челик и чија цена изнесува 2.000 долари.
