Украинските власти му забранија на новинарот на австриската државна телевизија ОРФ, Кристијан Вершиц влез во Украина.
За шефицата на австриската дипломатија Карин Кнајсел тоа е „неприфатлив акт на цензура“ и побара од украинските власти укинување на забраната.
Според Украинската разузнавачка служба (СБУ) Вершиц илегално ја преминал украинската граница, додека властите во Киев го обвинуваат за антиукраинска кампања.
И генералниот директор на ОРФ, Александер Врабец протестираше поради одлуката на украинските власти.
– Забрана за влез во земја врз основа на апсурдни обвиненија против Вершиц претставува неприфатливо попречување на новинарската работа – истакна Врабец.
