Два руски воени бродови натоварени со воени возила биле забележани на Босфорот, објави „Дејли мејл“.
Британскиот портал наведува дека бродовите биле на пат кон руската поморска база Тартус на северниот брег на Сирија.
Според „Дејли мејл“, на руските бродови се наоѓаат тенкови БТР-80, камиони „рамаз“ и радари за бомби, кои се користат за откривање на импровизирани експлозивни направи.
На еден од бродовите се наоѓа и чамец ВМК-Т, кој се користи за изградба на монтажни
мостови. Бродовите се снимени на патот кон Сирија, откако во саботата Велика Британија, Франција и САД нападнаа цели во Сирија, поради наводниот напад со хемиско оружје во Дума.
