По отварањето со изложбата на скулпторот Горазд Христов и фотографката Стефани Христов, галеријата „Колектив“ во центарот на Скопје, продолжува со интересни и креативни настани, со полна пареа.
Денеска (15.11.), од 17 часот таму започнува базар на уметнички ракотворби, во организација на креативната двојка Горазд и Стефани Христов, кој продолжува и следниот ден, на 16. ноември.
Во просторот на галеријата „Колектив“ ќе се претстават десетина автори на накит и рачно изработени предмети.
Atelje Siena, Atelje Marjak, Farina’s handmade, Serendipity- Gabunija handmade, Blaska Mi Eva, Knit.Mak, Elain Crafts, Elena Stavreska’s artwork – Dimension ELF, Art fantasy jewelry, Alex Hand made, Sanda Mieva и Level 70 Lizard, ќе понудат накит, плетени парчиња, чанти, нотеси, украсни предмети.
„Секој кој е заинтересиран ќе може да дојде и да си купи нешто од изложените уметнички ракотворби. Бевме пријатно изненадени од одзивот, но и од понудениот избор и од големиот број креативци кои се јавија на нашиот повик. Изборот што го направивме и соработката со овие креативци ветува навистина одличен базар, затоа што ретко каде на едно место ќе можат да се видат толку разновидни и креативни ракотворби, иако овој Hand made Art Bazaar за првпат се организира во овој простор и во овој состав. Секако, ќе бидат добредојдени и оние кои само сакаат да разгледаат“, велат организаторите од скопската галерија „Колектив“.
