Фронтменот на рок-групата „Карс“, Рик Окасек беше пронајден мртов во стан во Њујорк. Полицијата вчера соопшти дека властите реагирале на повик на телефонот 911, па кај 75-годишниот пејач само била констатирана смрт.
Нема знаци на насилство и напад. Причината за смртта на рокерот ќе биде утврдена по обдукцијата.
Меѓу најпознатите хитови на „Карс“ од крајот на 1970-тите и 80-тите, се „ Just What I Needed“, „Shake it Up“ и „Drive“. Бендот лани беше поставен и во Рок-ен-рол салата на славните.
ФОТО: EPA / DAVID MAXWELL
