Со долг аплауз и стоечки овации, публиката искрено ѝ го честиташе успехот на екипата од балетските премиери „Кармен“ и „Валпургиска ноќ“. Тие премиерно се изведоа во саботата во преполниот салон на Националната опера и балет.
Двете постановки се специјално подготвени за јубилејот „70 години балет“ и се во кореографија на Габор Кевехази од Унгарија, сценографијата е на Марија Ветероска, а костимите на Марија Пупучевска.
Публиката имаше можност да го слушне прекрасното дело „Кармен“ на Жорж Бизе во моќната и несекојдневна оркестрација на Родион Шчедрин како и „Валпургиска ноќ“ на Шарл Гуно во изведба на оркестарот на Националната опера и балет под диригентската палка на Маестра Бисера Чадловска.
Репризата е закажана за утре, 8 октомври, во 20 часот.
Настапуваат балетски првенци, гости, солисти и балетскиот ансамбл на Националната опера и балет.
Билети може да се купат на билетарница или онлајн на www.operablet.mk.
