На покана од Државната опера од Стара Загора, Бугарија, на 4 декември 2018, Македонската опера и балет ќе гостува со операта „Севилскиот бербер“ од Џоакино Росини.
Македонската опера и балет ќе настапи на 49. издание на Фестивалот на оперската и балетска уметност во Стара Загора, кој започнал во 1967 година под името Декемвриски музички денови, а иницијатор бил маестро Димитар Димитров.
На фестивалската сцена гостувале истакнати оперски и балетски имиња, како и европски оперски и балетски театри.
Со учеството на Македонската опера и балет во 2015 година и уште 12 оперски театри од регионот е создадена таканаречена Балканска оперска мрежа, со цел да се активира соработката помеѓу различни организации во музичко – сценката уметност.
Диригент ќе биде Иван Еминовиќ, режисер е Урсула Хорнер (Австрија). Асс. режисер Љупка Јакимовска, сценограф Марија Ветеровска, костимограф Марија Пупучевска, концерт мајстор Јaне Бакевски, асс. диригент Катерина Стојковска, асс. хор мајстор Ѓурѓица Дашиќ, Јасмина Ѓорѓеска, корепетитори ЕленаСиљаноска, Јанинка Невчева, Андреја Наунов.
Фигаро го игра Марјан Јованоски, Розина е Билјана Јосифов, Гроф Алмавива – Благој Нацоски, Дон Базилио – Владимир Саздовски, Дон Бартоло – Невен Сиљановски, Берта – Злата Тошевска, Фиорело – Кристијан Антовски, Амброзио – Саша Смилевски, Камениот човек – Борко Биџовски.
Настапуваат хорот и оркестарот на Македонската опера и балет.
Инспициенти се Љупчо Полизов, Драган Костадиновиќ, Марко Павлевски, а суфлери Светлана Георгиева, Павлина Здравкова, Невена Георгиева.
