Црешите се едни од најмоќните овошки благодарение на богатството со антиоксиданти, витамини и минерали и многубројните здравствени бенефити.
Многу луѓе едвај чекаат да дојде сезоната на цреши за да уживаат во нивниот вкус. Но, постои една опасност за која многумина не се свесни додека ги јадат.
Имено, нивните коски содржат цијаногени гликозиди, па доколку ги проголтате може да го доведете вашето здравје до опасност.
Уште многу поопасно од голтањето на коските е нивното грицкање, кое ја ослободува оваа материја, што може да доведе до труење.
Симптомите кои следат труењето се главоболка, вртоглавица, нервоза и повраќање, а може да дојде и до проблеми со дишењето, забрзано работење на срцето, како и висок крвен притисок.
