„Дискавери“ ви ја прикажува приказната за неверојатното спасување на тајландискиот фудбалски тим која го потресе целиот свет, во документарниот филм „Мисија за спасување деца во Тајланд“.
Едночасовниот документарец ќе се емитува в недела, 22 јули во 21 часот на каналот „Дискавери“.
Од моментот кога медиумите ја пренесоа веста за младите 12 тајландски фудбалери и нивниот 25-годишен тренер кои останале заробени во пештерскиот комплекс во близина на границата Myanmar, светот со нетрпение ги следеше деталите околу спасувачката акција. Повеќе од две недели се собираа податоци околу тоа како заврши мисијата и како ни покажаа за моќта и силата на човековиот дух и трагичното загинување на едниот нуркач кое ја прикажа сериозноста на целата настаната ситуација.
По спасувањето на сите деца, останаа многу отворени прашања. Зошто воопшто биле таму?
Како преживеале две недели без храна, а не ни знаеле да пливаат?
Како ќе се развива нивната физичка и ментална состојба?
Што се било потребно за да се извлече групата од оваа неверојатна пештера и зошто нејзината уникатна геологија претставуваше таков предизвик за спасителите?
„Мисија за спасување деца во Тајланд“ е првиот документарец кој ја истражува и ги открива сите детали од оваа извонредна акција.
МИСИЈА ЗА СПАСУВАЊЕ ДЕЦА ВО ТАЈЛАНД – Дискавери ни ја открива човековата и научната драма во една од најтешката спасувачка акција во човековата историја.
Со ексклузивен пристап до луѓето кои беа дел од сите случувања, како и до членовите од семејството на заробените деца, документарецот се фокусира на триумфалноста на човековиот дух и на извонредните научни и технолошки иновации кои се користеа при оваа мисија.
Додека времето одминуваше и се закануваа монсунските дождови, спасувачите во пештерскиот комплекс и над земјата, го планираат секој нареден потег.
Од интервјуто со медицинските лица и психијатриските стручњаци, водечките стручњаци за спасување како и реномираните инструктори за нуркање, филмот ни ја открива комплетната слика за доживувањата на децата и спасувачите кои херојски го постигнаа невозможното.
По спасувањето на децата и нивниот тренер на 10 јули, светот конечно здивна, после цели 18 дена.
Сега заеднички ги откриваме одговорите кои ни требаа да разбереме што, вусшност, се случило и како резултатот би можел да биде поинаков.
