Неодговорното однесување на претходното раководство, погрешните политики и ад хок покачувања на пензии, надвор од законската рамка за 10 години направи дупка од околу 15 милијарди денари во Фондот за ПИОМ, тврди Министерството за труд и социјална политика (МТСП).
Во соопштението до јавноста од министерството тврдат дека со пензиската реформа на актуелната Влада која стартуваше од почетокот на јануари, обезбедува стабилна исплата и континуиран раст на пензиите, без при тоа да се замрзнуваат и да се зголемува старинсата граница за пензионирање.
– Со Закон воведуваме редовно усогласување на пензиите. Пензиите ќе се усогласуваат два пати во годината и тоа 100% со порастот на трошоците на живот, наместо 50% како што беше претходно. Воведена е и законска одредба со која што ќе има дополнително усогласување на пензиите од 1 април, доколку бруто домашниот производ во претходната година има реален пораст над 4% – велат од МТСП.
Оттаму и со индормација дека во изминатите две години е обезбедена стабилна исплата и континуиран раст на пензиите.
– Доказ за тоа се статистичките параметри коишто покажуваат евидентен раст на пензиите во Македонија. Така, во 2016 година просечната пензија изнесуваше 13.754 денари, во 2017 година 13.954 денари, а во 2018 година 14.421 денари – велат од министерството за труд и социјална политика.
