Ило Стојчевски е вработен во Шумската полициска станица (ШПС) Делчево од 1998 година на работно место заменик- командир, на која што работна позиција е сѐ уште, одговори Министерството за земјоделство,шумарство и водостопанство.
Министерството за земјоделство,шумарство и водостопанство тврди дека не се точни информациите изнесени во јавноста дека Стојчевски е унапреден и назначен за командир.
„Во случајот не станува збор за унапредување и назначување, туку за времено овластување и извршување на работни задачи без дополнителен финансиски надомест. Бидејќи нема друго лице вработено во Шумската полициска станица Делчево со високо образование-Шумарски факултет, вработениот Ило Стојчевски кој што е единствениот во оваа станица со високо образование – Шумарски факултет, е овластен да ја води станицата, бидејќи законски за застапување и поднесување на пријави во судовите вработените треба да имаат високо образование“, појаснуваат од МЗШВ.
Стојчевски додаваат од таму, е овластен командир на ШПС Делчево, од моментот кога Дарко Тасевски (претходниот командир) си поднесе оставка.
