Колумбискиот пејач Хуан Луис Лондоњо е ограбен во московскиот хотел „Фор сизонс“ и тврди дека непознати сторители му однеле накит и луксузни предмети во вредност од 787.000 долари.
Пејачот, познат под естрадното име Малума, отседнал во тој хотел во текот на Светското првенство во фудбал.
– Колумбискиот државјанин Хуан Луис Лондоњо поднесе пријава во полицијата поради кражба што се одиграла во неговиот апартман во хотелот „Фор сизонс“ во Москва – рекол полициски извор за ТАСС.
Меѓу украдените работи се и белегзиите и синџирчињата од марката „Картие“, неколку часовници од марката „Ролекс“, „Ибло“, „Патек Филип“, „Одмар Пије“, како и ранец и чанта од „Луј Витон“.
Според изворот од полицијата, непозната личност се претставила како гостин на пејачот и добила дупликат од електронскиот клуч. Крадецот по грабежот побегнал.
Руската полицијата отворила кривична истрага за кражбата.
