Нема индикации дека Северна Кореја запрела да работи на нуклеарно оружје, соопшти денеска Меѓународната агенција за атомска енергија (МААЕ).
– Продолжувањето и понатамошниот развој на нуклеарната програма на Северна Кореја е причина за голема загриженост”, се наведува во соопштението на МААЕ..
Американскиот претседател Доналд Трамп вчера изјави дека верува оти Северна Кореја направила некои чекори кон денуклеаризација и дека најверојатно повторно ќе се сретне со лидерот на Северна Кореја, Ким Џонг-ун.
Трамп и Ким првпат се состанаа на историски самит во Сингапур на 12 јуни, кога водачот на Северна Кореја се согласи да работи на денуклеаризацијата на Корејскиот Полуостров.
