Во Кина за време на годинашната прослава за Лунарната нова година остварени се 415 милиони патувања на домашни туристи, што е за 7,6 отсто повеќе од истиот период минатата година, јави денеска кинеската новинска агенција Ксинхуа.
Според податоците на кинеското Министерство за култура и туризам, за време на најголемиот празник во таа земја, остварен е приход од 76,2 милијарди долари, што е зголемување на годишно ниво од 8,2 отсто.
Истовремено, преминувањето на кинеската граница во двата правца е зголемено за 11 отсто во однос на истиот период лани, на 12,53 милиони.
Кинезите како дестинации за Лунарната нова година најмногу ги бирале Тајланд, Јапонија, Виетнам, Јужна Кореја, Сингапур, Малезија, САД, Хонгконг и Тајван.
