Американската актерка Кристен Стјуарт се појави на премиера на филм во Кан, при што ги соблече своите чевли и шеташе боса по црвениот тепих.
Откако заземала поза за камерите на црвениот тепих на Канскиот филмски фестивал, Стјуарт ги соблекла своите скапи црни „лобутинки“ и влегла на премиерата боса, носејќи ги чевлите в раце.
Со овој потег актерката протестирала против правилата на фестивалот, според кои на жените не им е дозволено на црвениот тепих да се појават во рамни обувки, туку мора да носат потпетици.
– Работите мора веднаш да се менуваат – изјавила Кристен Стјуарт минатата година на дискусија.
Во 2015 година на група средовечни жени им бил забранет влез на прикажување на филмот „Керол“ бидејќи дошле во рамни чевли, а претставниците на фестивалот одбиле да го признаат овој инцидент.
