Kако резултат на пукотници во САД во три одделни инциденти во саботата и неделата загинаа 32 лица, а повеќе од триесетина се ранети. Првиот инцидент се случи во Ел Пасо, Тексас вториот во Дејтон, Орегон, додека третиот е регситриран во Чикаго.
Полицијата во Дејтон утринава на Твитер соопшти дека во делот на градот наречен Орегон започнале пукотници, но дека полициските службеници „реагирале и брзо ставиле крај на инцидентот“ со елиминација на напаѓачот.
Според информациите, нападот започнал во раните утрински часови, при што напаѓачот употребил „моќно автоматско оружје“ и за помалку од една минута смртно биле погодени осуммина. Повеќе од 16 лица биле повредени и завршиле во локалните болници.
Дејтон е со население од 160 илјади и се наоѓа во западниот дел на соузната држава Охајо. Орегон, местото каде што се случи нападот, е историски дел од градот со многу продавници, барови, рестрани и театри,
Само 13 часа претходно во Ел Пасо, град во Тексас расположен на границата со Мексико, се случи уште еден вооружен напад кога загинаа 20 луѓе. Напаѓачот кој пукал тргосвки центар во Ел Пасо, бил фатен неколку часа подоцна од полицијата на автопат надвор од градот.
Двајцата напаѓачи во овие инциденти се млади лица. Напаѓачот во Дејтон е 24 годишниот Конор Стивен Бетс, а во Ел Пасо е Патрик Крусиус, на возраст од 21 година. Како што се дознава и двата напади се извршени поради омраза. Се дознава и дека во нападот во Дејтон загинала и Меган Бетс, сестра на напаѓачот.
Најмалки три лица загинаа, а 37 се повредени во два одделни вооружени инциденти во Чикаго, јави Си-Би-Ес Чикаго. Со овој најнов инцидент бројката на загинати во пукотниците ширум САД викендов достигна 32 лица.
Едниот инцидент во Чикаго се случил на полноќ по локално време кога непознато лице отворило оган во парк на игралиште од автомобил во движење Шевролет камаро, соопшти полицијата. Истрагата е во тек, а повредените се хоспитализирани.
Американскиот претседател Доналд Трамп кој викендов беше во својот голф-клуб во Њу Џерси, прво преку низа соопштенија на Твитер ги осуди нападите како „акт на кукавичлук“, и испрати сочувства до роднините на загинатите. Пред да полета за Вашингтон тој синоќа изјави дека „во оваа земја нема место за омраза“ нарекувајќи ги напаѓачите „сериозно ментално болни“.
– Проблемот со пукањато се растега со години и мора да го решиме – изјави Трамп и додаде дека се координира со директорот на Федералното истражно биро (ФБИ), со јавниот обвинител и со членови на Конгресот за заземање позиција по ова прашање.
Берни Сандерс, Кори Букер и Пит Бутиџич, претенденти за кандидат за претседател од Демократската партија, за „Си-Ен-Ен“ изјавија дека најодговерен за овие напади е претседателот, кој според нив „шири омраза и расистички сентименти“.
Американските експерти инцидентите ги оценуваат како „акти на домашен тероризам“.
Според Североисточниот универзитет од Бостон, Масачусетс, во САД од почетокот на годината во 22 масовни пукотници загинале вкупно 125 луѓе.
