кспертите за говор на тело го анализирале однесувањето на британската кралица Елизабета Втора за време на јавните појавувања и нејзините гестикулации во таквите ситуации, па утврдиле дека можат да се забележат многу таинствени пораки од нејзината невербална комуникација со своите деца.
И покрај формалноста и ригорозните правила во однесувањето за време на јавните настапи, кои неретко може да се протолкуваат како дистанцираност, ладнокрвност и резервираност, експертите тврдат дека Елизабета Втора има чувства кон своите деца, а со несвесните гестови открива кои и се миленици пишува „Харперс базар“.
Најчесто таа е во друштво на својот првороден, принцот Чарлс, од сите потомци. Веројатно затоа што Чарлс е следниот во редот за престолот. Сепак, експертот за човечко однесување Сузан Константин тврди дека кралицата со Чарлс има неверојатен близок однос.
„Интересно е да се забележи како нивниот однос е многу забавен и разигран. Кога се заедно двајцата уживаат во моментот. Дури и кога ќе ја бакне, забележливо е како принцот Чарлс го користи тој момент за да се поврзе со својата мајка“, рекла Константин и додала: „ако кралицата го почитува протоколот, исто така, покажува и одредено ниво на интимност и емоции, а тоа е нешто што не се гледа секој ден… Особено не меѓу припадниците на кралското семејство“.
Како единствена ќерка на кралицата Елизабета Втора, принцезата Ана минала полошо од своите браќа. Барем според она што го тврди Константин.
„Доколку не знаев дека се мајка и ќерка, никогаш не би помислила дека се во род. Оддалеченоста меѓу нив и формалноста во комуникацијата е неверојатно забележлива. Сепак, постои можност таквата дистанцираност во нивниот однос да биде резултат на почитување на протоколите“, тврди Константин.
Експертот за говор на тело Пети Вуд истакнал дека во некои ситуации може да се чини дека се блиски, но нивната невербална комуникација упатува на една сосема поинаква вистина.
Иако понекогаш знаат да се насмеат, кралскиот набрчкан нос и подигнатите веѓи сугерираат дека таквиот однос е вештачки.
Почитта што принцот Ендрју ја има кон кралицата Елизабета Втора е без преседан.
– Во неговите очи, кои секогаш се насочени кон кралицата, може да се забележи дека тој ја почитува – вели Константин. Сепак, кога ќе се влезе подлабоко во анализата можно е да се забележи одредено ниво на нервоза која принцот и кралицата ја чувствуваат.
„Повлекувањето и местењето облека е знак на неудобност“, објаснува Вуд и истакнува дека кралицата тоа ретко го прави, но во друштво на принцот Ендрју знае да омекне поради што може да се заклучи дека формалноста на двајцата тешко им паѓа.
На прв поглед е очигледно дека принцот Едвард е нејзин миленик. Секогаш кога се во негово друштво, кралицата ќе се потпре на него и ќе направи искрена насмевка. „Нејзиниот говор на тело вреска „тоа е мое дете““, вели Константин. Кога ќе ѝ се даде можност, кралицата своето време го посветува подеднакво на своите најмлади синови, принцот Ендрју и принцот Едвард.
Тоа е добар показател дека постои подеднаква оддалеченост меѓу нив. Исто така може да се почувствува разлика меѓу Едвард и Ендрју. Едвард е повеќе резервиран како својата мајка, додека Ендрју изгледа моќно“, заклучува Константин.
