На платото пред Домот на културата вечерва во 20 часот концерт ќе оддржи Македонскиот брас квартет како увертира во петдневната Павловденска програма. Квартетот е составен од четворица колеги, вработени во Македонска Опера и Балет во состав: Стојанче Косовски труба, Александар Златески труба, Горан Јанев хорна, Владан Дробицки тромбон.
Тие ќе ни понудат една концертна вечер со богата програма од познати класични дела на Кларк, Хендел, Џузепе Верди, Равел, Корсаков, Моцарт, Џоплин и други композитори. Концертот е во организација на Домот на културата „Тошо Арсов“, Виница.
Утревечер во 20 часот на истата локација настап ќе има Триото Филип Данев. Концертот предвидува изведба на модерна и традиционална џез музика. Дел од композициите се авторски и за прв пат ќе бидат изведувани во Виница, а дел се познати џез стандарди. Триото е составено од Пенче Кралев – контрабас, Виктор Филиповски – тапани и Филип Динев – гитара. Се работи за едни од
најактивните џез музичари од новиот џез бран во Македонија.
