Скопскиот концерт на една од моментално најголемите светски музички атракции 2 CELLOS, наместо на првичниот закажан датум 6-ти октомври, ќе се одржи на 19- ти октомври, на истата локација- ВИП Арена.
Причината за промената на датумот е од логистички тип, а поради концертот на Texas на 28 септември и закажаниот референдум на 30 септември, ние со задоволство ја прифативме оваа понуда концертот да биде подоцна во октомври, од првичниот датум.
Истовремено, со оваа објава, должни сме да ви ја пренесеме и следнава информација, од официјалниот тикет мастер за овој концерт Купи Карти За Се:
– Поради падот на серверот кој е во Америка, ККЗС ги има изгубено нумерациите на досегашните продадени билети за трибини, па така сите што досега имаат купено карти, ќе имаат можност до 3-ти септември да си ги заменат на продажните места од каде што ги купиле билетите и ќе ги добијат истите седишта за новиот датум, 19-ти октомври – велат од Аволон продукција.
Во периодот од денот на оваа објава до 3ти септември, нема да се врши продажба на билети за концертот на 2 CELLOS за ТРИБИНИ, за истите да можат да се заменат за нови, додека билетите од категориите ПАРТЕР и ФАН ПИТ остануваат во слободна продажба. Од 3-ти септември, сите слободни билети за ТРИБИНИ ќе бидат пуштени во продажба.
