Пензионерите кои добиваат пензија преку Комерцијална банка – Скопје ќе можат уште утре, наместо во почетокот на јануари, да ги подигнат пензиите за овој месец.
Од АД Комерцијална банка информираат дека на 28 декември (сабота) ќе извршат исплата на декемвриските пензии на пензионерите кои својата пензија ја примаат од Фондот за пензиско и инвалидско осигурување на нивната денарска сметка во Комерцијална банка.
Пензионерите можат да ги подигнат своите пензии на широката мрежа банкомати и низ филијалите и експозитурите на Банката.
