Симптомите на топлотен удар не се „универзални“, односно секое лице може
да има поинакви симптоми. Најчести се:
– главоболка
– вртоглавица
– дезиорентација, вознемиреност, конфузија
– тромост или премор
– врела, сува кожа која не се поти
– висока телесна температура
– губиток на свеста
– забрзано работење на срцето
– халуцинации
Кога треба да се обратите кај лекар?
– Ако телесната температура не опаѓа и покрај разладувањето и лековите.
Тогаш, веројатно, не станува збор само за сончаница, туку лицето е на
почетокот на некоја друга болест. Обично станува збор за почеток на цревни
инфекции, или воспаление на дишните органи. Во тој случај брзо се јавуваат и
други симптоми на болеста, па треба да се консултира лекар, кој ќе ја постави
вистинската дијагноза.
– Ако лицето изгуби свест и не поврати брзо по поставувањето во лежечка
положба. Губитокот на свест обично е резултат на минливо опаѓање на
притисокот и недоволен дотек на крвта во мозокот. Ова е наивна варијанта и
речиси моментално поминува кога лицето ќе легне и ќе му се кренат нозете, за
да му се обезбеди доволно крв на мозокот.
Меѓутоа, ако болниот потоа е конфузен, сонлив и слабо комуницира со
околината, треба да се јавите кај лекар.
– Ако болниот упорно повраќа и е се понемоќен и изнемоштен. Тогаш станува
збор за многу тежок облик на сончаница, па е неопходен преглед кај лекар. Тој
ќе утврди дали станува збор само за сончаница, или е во прашање и почеток
на некоја друга болест (на пример, инфекција со летни вируси или бактерии).
