Автомобилите на природен гас (метан) моментално се најмалку штетни за климата. Ова го покажало истражувањето ко го направил германскиот автоклуб ADAC.
Во истрсажувањето биле вклучени сите емисии, од производството до рециклирањето на возилата, од производството на горивото до производството на електрична енергија.
Истражувањето покажало дека со поминати 225 илјади километри, автомобилот на природен гас, вкупно би емитувал 35 тони јаглерод диоксид, дизелашите и електричните автомобили околу 38 тони, додека бензинците емитуваат 40 тони јаглерод дикосид.
Кога 100 отсто од енергијата која се користи во автомобилите би потекнувала од обновливите извори, тогаш електричните автомобили на истите поминати километри би емитувале само 13 тони јаглерод диоксид. Меѓутоа, поголемиот дел од електричната енергија не доаѓа од обновливи извори.
