Проекцијата на новиот филм на данскиот режисер Ларс фон Триер, „Куќата што ја изгради Џек“, на годинешниот Филмски фестивал во Кан ја обележи предвременото излегување од салата на повеќе од 100 посетители.
Трилер-хоророт со Мет Дилон и Ума Турман, зачинет со црниот хумор на Вон Триер, го следи убиствениот поход на сериски убиец низ неколку децении.
Според многумина, филмот е преполн со садистичко насилство и бруталност, а директорот на фестивалот Тиери Фрему изјави дека „темата е толку контроверзна, што може да се прикажува единствено надвор од натпреварувачката програма“.
I’ve never seen anything like this at a film festival. More than 100 people have walked out of Lars von Trier’s ‘The House That Jack Built,’ which depicts the mutilation of women and children. “It’s disgusting,” one woman said on her way out. #Cannes2018 pic.twitter.com/GsBGCoyHEG
— Ramin Setoodeh (@RaminSetoodeh) May 14, 2018
Главниот уредник на списанието „Варајети“, Рамин Сетод на Твитер објави слика од над 100 луѓе кои ја напуштиле салата бидејќи не можеле да ги гледаат сцените со сакатење жени и деца.
– Ова е најлошиот филм што сум го гледал в кино, напиша Сетод под фотографијата.
