Во 2018 година имаме рекорден износ на странски инвестиции. Само во првото полугодие од годината забележан е рекорден износ на странски инвестиции од 327 милиони евра. Ова меѓу другото го соопшти Александар Кирацовски, пратеник и генерален секретар на СДСМ, на денешната прес конференција.
– Растеше индустриското производство и извозот. Невработеноста е намалена на 20,8 отсто и за првпат во државата има под 200.000 невработени лица – рече Кирацовски.
Тој додаде дека очекуваат невработеноста и понатаму да опаѓа до под 20 отсто.
– Економијата и инвестициите дополнително ќе пораснат со членството во НАТО и доближувањето до Европска Унија – рече Кирацовски.
