Кинеското Министерство за одбрана денеска соопшти дека Кина е подготвена да влезе во војна доколку „има луѓе кои ќе се обидат да го одвојат Тајван од земјата“, обвинувајќи ги САД за поткопување на глобалната стабилност и осудувајќи ја продажбата на американско оружје на островот што Пекинг со смета за своја територија.
Американските медиуми потсетуваат дека Пентагон претходно месецов соопшти дека Стејт департментот ја дозволил продажбата на оружје за Тајван, во вредност од 2,2 милијарди долари, а во арсеналот што треба да се испрача ќе се најдат тенкови, како и ракетите „Стингер“.
Кина на ова соопштение одговори со пораката дека ќе наметне санкции на компаниите од САД кои ќе бидат клучени во оваа зделка.
