Пет иновативни проекти на млади претприемачи ќе можат да прераснат во нивни бизниси помогнати од ментори и пари од проектот, ако ги исполнат криетриумите за најквалитени во рамки на конкурсот за БалканМед ИННОВА – Балканско-Медитерански Центар за претприемништво и иновации.
Проект менаџерот Александар Филиповски денеска соопшти дека дека конкурсот ќе биде објавен на крајот на годинава. Изборот на петте најдобри и најиновативни проекти ќе биде извршен на почетокот на следната година по што следи циклус на обуки на носителите на проектите и менторирања. Во јуни ќе им бидат доделени и грантови од по 4.000 евра.
– Ќе им бидат доделени ментори кои ќе ги обучуваат како нивната идеја да прерасне во бизнис, како да ги надминат препреките и да опстанат на пазарот.Токму немањето на финансиски средства, менаџирањето на бизнисот пристапот до пазарот и поврзувањето со регионот се главните препреки кои треба да ги поминат малите бизниси за да останат во живот и да се равиваат. Тоа ќе им биде овозможено преку овој проект – вели Филиповски.
Проектот предвидува помагање на проекти кои се од дејнсотите, туризам и културно наследство, информатички технологии, агробисниц и животна средина и екологија.
Отворена ќе биде и веб школа што ќе ги научи младите претприемачи на водење бизнис преку тренинг материјали, курсеви, видеа и други останати корисни алатки.
Во регионалниот проект „Балканско-медитерански центар за иновации и претприемништво“ освен Македонија, се вклучени и Бугарија, Грција, Албанија и Кипар.
Главна цел на проектот БалканМед ИННОВА е низ обука, размена на знаења и искуства, како и трансфер на технологии да овозможи поддршка на веќе постојните мали и средни претпријатија, како и на сите потенцијално нови стартапи.
