Индустриското производство во септември е зголемено за 4,5 отсто во споредба со истиот месец лани, а зголемување од пет проценти има и за периодот јануари – септември, објави Државниот завод за статистика.
Раст е забележан во секторите „рударство и вадење на камен“ за 4,7 отсто, „преработувачка индустрија“ за 3,6 отсто и во „снабдување со електрична енергија, гас, пареа и климатизација“ за 19,2 отсто.
Зголемувањето во секторот „преработувачка индустрија“ е резултат, пред сѐ, на зголеменото производство на прехранбените производи, пијалаците, текстилот, основните фармацевтски производи, како и производството на метали, машини и уреди, моторни возила и мебел.
Според главните индустриски групи, раст е забележан кај „енергија“ за 15,5 отсто, „интермедијарни производи, освен енергија“ за 5,1 и „капитални производи“ за 14,9 отсто. Опаѓање има кај „трајни производи за широка потрошувачка“ и „нетрајни производи за широка потрошувачка“.
