Претседателот на Индонезија, Џоко Видодо, одлучи да го премести главниот град на таа најголема економија во Југоисточна Азија од пренаселениот остров Јава. Тоа го изјави денеска министерот за просторно планирање.
– Претседателот одлучи да го премести главниот град надвор од Јава, и тоа е многу важна одлука, изјави министерот Бамбанг Бродјонегоро на прес-конференцијата по седницата на владата.
Тој додаде рече дека владата допрва треба да избере нова локација.
Според него, преместувањето на престолнината Џакарта каде живеат 10 милиони луѓе, на северниот брег на Јава, може да потрае до десет години, наведувајќи примери од Бразил, Малезија и Казахстан.
