Во Лос Анџелес се објавени номинациите за филмската награда Златен глобус, кои ќе бидат доделени на 5 јануари 2020 година.
Со дури 17 номинации меѓу филмските продуценти е Нетфликс, а следуваат Сони со осум и Дизни и Ворнер Брос со по шест номинации.
Меѓу телевизиските продуценти доминира Нетфликс, исто така со 17 номинации, НВО има 15 номинации, а Хулу и Прајм Видео по пет.
Најмногу номинации меѓу играните филмови освои „Брачна приказна“ на Нетфликс, која е номинирана во шест категории, „Ирачанин“ на Мартин Скорсезе има пет номинации, како и „Беше еднаш во Холивуд“ на Квентин Тарантино, додека „Џокер“ на режисерот Тод Филипс и „Двајца папи“ на Фернандо Меирелес освоиле по четири номинации.
Меѓу телевизиските остварувања ситуацијата е малку изедначена. „Чернобил“ (НВО), „Круна“ (Нетфликс) и „Неверојатно“ (Нетфликс) се најдоа на врвот со по четири номинации.
