Горан Мауровски е назначен за в.д. генерален директор на „Бетон“ Скопје и извршен член на Одборот на директори, соопшти компанијата на сајтот на Македонска берза.
Мауровски досега беше директор на Секторот за контрола и известувања. Тој инаку е зет на најголемиот акционер на „Бетон“ Минчо Јорданов и лани дојде во компанијата.
Според она што е познато за него, Мауровски кој има 34 години е основач и сопственик на три компании кои работат во областите градежништвото, производство и трговија.
Од почетокот на 2016 година беше член на Надзорниот одбор на ФАКОМ, која е дел од фирмите на Јорданов.
Тој лани го доби и престижното признание Business Elite’s „40 under 40“ како еден од најуспешните 40 млади бизнис лидери од Југоисточна Европа кои се приклучуваат на глобалната бизнис елита.
